by KaYing | 28 July 2022

天氣熱又要帶住口罩，係香港呢啲幾乎三十至三十幾度嘅天氣，真係分分鐘會中暑。唔想咁辛苦但係又想約埋班朋友一齊玩啲好玩既活動？保齡球可以話係最佳選擇，今次Crew Figures 小編為你挑選左全港僅餘嘅六間保齡球場，梗有一間適合你！

* 實際球場收費及開放時間請參考場館網頁為準。

小編精選全港六大保齡球場

如果你想去啲型格啲嘅保齡球場，呢個保齡球場就一定適合你！雷霆保齡球場雖然已經有20年歴史，但係就設有22條纖維球道、仲有超靚既螢光球道、同埋英式桌球室，價錢方面星期一至五$26-$45、星期六日及公眾假期$45-$55，啱晒同一班朋友一齊嚟玩！

沙田富豪保齡球場設有28條保齡球道及桌球枱，場地空曠，而且保齡球場定時會舉辦大大小小唔同嘅保齡球比賽，比大家互相切磋球技！星期一至五（每局）$29-$44、星期六日及公眾假期（每局）$44-$49。如果你咁啱住附近，咁呢度就最方便啦～

荃灣迪高保齡球館設有32條保齡球道、仲有桌球、足球機、乒乓球同飛鏢機可以玩，一次過可以玩曬咁多個設施！價錢方面星期一至五$90-$140、星期六日及公眾假期$80-$120，一大班朋友一齊玩就係最啱～

呢個係位於西貢既保齡球場，佔地大約2萬呎，場地內所有保齡球設備都係美國入口，設有10條保齡球球道，特別之處在於佢入面有酒吧，仲會有樂隊、舞蹈表演。不如呢間既收費都相對比較貴，至少要$100起，不過如果想有另類嘅體驗，就一定要黎啦！

南華會保齡球場位於跑馬地，屬於私人保齡球場，總共有60條保齡球球道，係目前為止最多球道既保齡球場。不過要注意返，要成為南華會會員先可以租用球道。

呢個係位於屯門既保齡球場，場入面有24條保齡球球道，亦有提供飛鏢、桌球、氣墊球等設施。價錢方面星期一至五$75-$100、星期六日及公眾假期$120。一家大細一齊去都好適合！

Crew Figures 只為幫客戶定格每個屬於您的精彩時刻，和照片一樣，我們希望多年後您看到我們為你專門人手製作的公仔時，您都不由自主的會心微笑，想起這刻屬於您的最精彩時刻！

立即點我訂購吧！

另外Crew Figures入面有各種不同的心意禮物，百分百全人手製作，一定適合你！

更多相關資訊可點擊這裡查看！

立即點我 前往人氣手作公仔專門店選購心意禮物～

多款手作公仔盡顯心意，收到呢份禮物實甜到入心！